الجمعة، 7 سبتمبر، 2012

السبت، 18 أغسطس، 2012

عندما كنا فى الجنة

بتاريخ 1 ابريل 2012
----------------------
هو وهى قاعدين زى كل ليلة قبل الفجر بتسع او عشر ساعات كده
وهو قاعد يرخم عليها بردو زى كل ليلة
قالها : انا عندى فكرة "مجنونة" اكيد هتعجبك
ردت : ليه "أكيد" يعنى ..تقصد ايه ؟؟ انا فاهماك :@
-لا انا مش قصدى انك مجنونة ولا حاجة لا سمح الله
* بقى كده ؟؟ عموما معادتش تفرق كمل كلام ....
-معلش يا ستى اسمعى بس
*اما نشوف ..ها قول ..
-انا لازم اشوفك دلوقتى حالا !!
*ايه الكلام ده ؟ مش احنا قلنا لسه بدرى ...
-قاطعها وقالها : اسمعى بس انا مش عاوز اشوفك يعنى اشوفك !
* لا والله ؟؟ تصدق اقنعتنى ..
-ايه ده ؟؟ تصدقنى انا اللى غلطان انى برد عليكى ..انا مش قايلك حاجة .
*خلاص معلش ..فهمنى انت بس الروحة عليا خالص
-انا هقابلك فى خيالنا ..غمضى عينك كده
*غمض عينى ايه ؟؟ انت هتنيمنى طغطايسى ولا ايه ؟؟
- طغطاطيسى ؟؟!! اهى عشان خفة دمك دهى انا مرارتى انفجرت منى
*خلاص خلاص انا غمضت ..انت بتزعق ليه ؟
-انا كمان اللى غلطان ؟؟ طيب عموما اتخيلى معايا المشهد ده واوعى تقاطعينى ..انا وانت قاعدين على مكان عالى كده ..هو مش جبل هو زى ما تقولى صخرة كبيرة وفى ورانا شجرة كبيرة اوى ورقها عريض ولونه اخضر اوى و ....
*يعنى ورقها لو مكانش عريض الحلم هيبوظ مننا ؟؟
-يوووه هو حلمك ولا حلمى انا حر ..انا هغير المكان ده عشان تستريحى ..خلينا قاعدين على رمل وورانا نفس الصخرة الكبيرة بس المرة دى قدامنا البحر ..واعتبرينا بالليل والقمر بدر ..ولا اقولك انا بخاف خلينا الصبح والشمس طالعة ؟؟ممممممممممممم لأ لأ خلينا بالليل انا مبخافش من حاجة وانا معاكى ..
*انجز وراك مذاكرة احنا مش فاضيين ..
-متزهقينيش بقى الموضوع كبير وطويل وانا لسه هحكيلك حاجات كتير ..
المهم ..احنا كنا قاعدين بعيد عن بعض اصلنا متخاصمين .
.  ..لأ مش اوى كده اعتبرينى بس كنت راكن راسى على كتفك الشمال ..
-وبعدين سألها : عارفه انا وانت جينا الدنيا ازاى ؟؟
*ايه السؤال ده ؟؟ اكيد يعنى جينا زى كل اناس ..
-طيب عارفة انا اكبر منك بقد ايه ؟؟
* اه هما تقريبا شهرين ؟؟
-لأ اسكتى بقى ده انتى مش عارفه حاجة عننا خالص ..ده احنا قصتنا مختلفة عن كل الناس دى وقديمة اوى كمان اسمعى انا هحكيهالك ..
* ها ارغى وصدعنى (الجملة دى قالتها فى سرها :P)
- هقولك ..فى يوم من زمان اوى اوى ..من كام مليون سنه كده انا مش فاكر بصراحة ..انا كنت ماشى فى الجنه ..مش جنينه .لأ الجنه الجنه الى فيها الفردوس وكده يعنى ..كنت ماشى فى كل مكان عاوز اعرف كل حاجة ليه وطالعة ازاى وبتعمل ايه ..عاوز اعرف الحيوانات والطيور..أصل انا كنت مخلوق من اسبوع بس وكنت عاوز اعرف كل حاجة فى اسرع وقت .
المهم انا تعبت من كتر المشى ونمت شوية جنب شجرة ...
ولما صحيت لقيت نفسى تعبان اكتر من تعبى قبل ما انام !!
قعدت احسس على نفسى كده زى اللى يكون ناقص منه حاجة ..راسى ..رقبتى ..صدرى .. يا خبر ؟؟
لقيت جنبى الشمال ناقص ضلع !!!
* ههههههههههههههههههه يا راجل ؟؟!
-شششششش اسمعى وانت ساكته ..المهم فضلت ادور عليه مفيش اثر ..قلت جايز وحش اكله ..بس بعد شوية حصل حاجة اغرب من كده بكتير ؟؟
* ايه ؟؟
-حسيت ان عندى حاجة فى جنبى الشمال بتضرب جوا صدرى ..انا مكانش عندى حاجة زى كده قبل ما انام ؟؟ يا ترا ايه الى حصل ؟؟
ممكن يكون عصفور دخل جوا صدرى واتحبس جوا ؟؟
* هههههههه ايه يا عم عالم ديزنى اللى انت بتحكيه ده ؟ :P
-اضحكى اضحكى مهو انت لو كنتى مكانى مكنتيش ضحكتى ..بس عارفه ساعة لما الحاجة دى دقت كده انا حسيت ان التعب راح وانى قدرت اتحرك تانى !!!
بس بتحرك كأنى رايح مكان معين وبدور على حاجة معينه
بس انا مش عارف المكان ده ولا عارف انا بدور على ايه
عامل زى ما اكون هايم بس عارف هو عاوز ايه
زى ما اكون فاهم بس مش فاهم فى نفس الوقت
مع انى من الصبح ماشى فى الجنه بس دى اول مرة
احسن انى ماشى لهدف ........
.........................
"بس يا ستى"
* بس ايه ؟؟!!! كمل هو انت هتسيبنى كده ؟؟مش فاهمه حاجة انا مش فاهمه انت بتحكى الكلام ده ليه اصلا ؟
-اه عليكى نور .انا هسيبك كده ..يلا فتحى عينك الحلم خلص ..
*يعنى انت كل مرة كده تسيبنى وتمشى ؟!
-معلش انتى عارفه انى مضطر اصل انا ايدى وجعتنى من الكتابة..اكتبى انت شوية ؟
*بقى كده ؟؟
- اه ..مش انت بتقولى اننا بنحلم نفس الاحلام ؟ طيب كملى بقى لو انت شاطره :P ..
*انا مش هرد عليك وهسيبك بس عشان عارفه انك تعبت ووراك كليه الصبح ..متنساش تصلى الفجر ..
-انا مش هصلى اصل الميه قاطعة :P
*اتوضا ياخويا من البحر اللى احنا كنا قاعدين عنده :P ..يلا افرجت عنك ..
-افرجتى عنى ؟؟ تصدقى انا اللى غلطان انى بكلمك اصلا
*تقدر متكلمنيش ؟؟ وبعدين "يلا" اتفضل ..
-انا عديتلك "افرجتى عنى" بس مش هعديلك موضوع "يلا" ده تانى ابدا..
"يلا" مع السلامة :)
*مع السلامة تصبح وانتا ............... :)
___________________________
*انت جيت -شهقة- يا ...... ؟
-لأ انا لسه مجيتش بصراحة
*طيب لما تيجى ابقى نادى عليا انا مستنياك
-طيب ان شاء الله
............
*انت مبتتكلمش ليه ؟
-اصلى لسه مجيتش :P
*طيب كملى الحلم عشان "خاطر مصر"
-هههههه طالما عشان خاطر مصر يبقى مش قايل حاجة
*يووه بقى ..يعنى لازم استخدم السلاح التقيل
-لأ لأ خلاص انا هتكلم بس كنت عاوز اقولك حاجة ..
* ؟؟
- كنت عاوز اقولك انك المرة اللى فاتت لو قلتيلى "متمشيش" مكنتش همشى وكنت هكملك الحكاية :$
- احم .. طيب يلا غمضى تانى واتخيلى نفس مشهد البحر بالظبط ..احنا كنا بنقول ايه ؟؟ آه .. كنت بقولك انى كنت فى الجنه وماشى لهدف معين بس انا مش عارف هوا ايه ..انا فضلت مكمل مشى لحد ما لقيتك .. بس انا اتخضيت ..لانى بقالى اسبوع ماشى هنا ومش لاقى حد غير الشجر والطيور ..وانت اول حد الاقيه زيى ..
* بقالك اسبوع ؟؟
- اه بقالى اسبوع ..هوانت هنا بقالك قد ايه ؟
*مش هقولك انا مولوده امتى الا لما تجيب ..............
- حتى هنا مش هتقوليلى ؟؟ ههههه بس انا عارف انك لسه جايه الجنة دلوقتى ..يعنى انا اكبر منك باسبوع بس ..
*وعرفت ازاى بقى ؟؟
- ههههه لأ معرفتش بس انا اللى مألف الحلم واناعاوز ابقى اكبر منك باسبوع بس ..وبعدين اكبر منك بيوم يعرف عنك بسنه ...
*بطل لماضه وارحمنى بقى .. طيب قولى ايه اللى حصل بعد كده وخلينا فى الحلم ..
- اقولك؟ انا قبل ما اشوفك كنت خايف من كل حاجة ..حتى الشجر كنت خايف منه تخيلى ؟؟ بس لما شفتك حسيت انى مطمن لكل حاجة ..انت مشفتينيش فى الاول ..انا وقفت بعديد ابص عليكى ..انت كنت تحت شجرة ..ونايمة وتحت راسك مخدمة من مخدات الجنه ..وشعرك كان كله ملموم على بعضه وكان جنب راسك من ناحية الشمال ..بس كان فى شوية شعر على عينيكى عشان كده انت مشفتينيش ..و..و..
*ايه اللى انت بتقوله ده ؟؟:@ ادخل فى الموضوع :$
-بس تعرفى ..انا كنت ماشى نحيتك مليان ثقة ..افتكرتك ملاك ..كنت خايف اصحيكى وانا مبحبش اصحى الملايكه من النوم ..
*بس الملايكة مبتنامش ؟
-ششششش ..لأ بينامو ..مهو انت ملاك وبتنامى ..يبقى الملايكة بردو بينامو ..انا قربت منك وبالراحة حركت الشعر من على عينك ..بس انت متخضيتيش ؟؟ وقلتيلى : "انت اتأخرت ليه ؟" بس قلتيها بثقة وحرارة كده زى ما تكونى عرفانى من زماان اوى !!
فاكره يوم ما كنت بتندهيلى على الجبل ..واضح ان مش دى اول مرة تنادى عليا فيها وآجى متأخر ..انا شكلى بتأخر عليكة من زمان ..
قلتلك : "هوحضرتك هنا من زمان؟ "
* حضرتى ؟؟!! هعديهالك ..بس انا مش عارفه اذا كنت هنا من زمان بس انا مستنياك من ساعة ما انا جيت هنا ..
-انا مش فاهم ؟
لقيتك ضحكتى وحسيت انك بتقوليلى متقلقش انا جنبك وهفهمك كل حاجة .. (واضح ان مشاكل الفهم دى عندى من زمان :P)
-عارفه من غير ما تسألينى لقيت نفسى بحكيلك كل حاجة عملتها فى الجنه قبل ما اشوفك ..حتى حكيتلك اللى حصلى وانا نايم ..
*ابتسمتى وقلتيلى : "متخفش انا اتخلقت من ضلعك ده"
-يعنى ايه ؟؟
*يعنى انا جزء منك ..وعارف ايه حكاية الحاجة اللى بتدق جواك دى ؟
- ايه ؟
*انا لما صحيت هنا ..لقيت جوايا حاجة بتنبض بسرعة وجامد اوى ..انا سميته "القلب" "على فكرة" ..انا دعيت ربنا انه يقسمو بينى وبينك :$ ..انت زعلت ؟؟
-آه ..يعنى تاخدى منى ضلع وتدينى مكانه حاجة بتوجعنى ؟
*انا ؟؟ انت دايما ظالمنى كده ؟ انا عارفه انه جديد عليك ..بس طول ما انا جنبك هعرفك هوبيعمل ايه ..ومش هخليه يوجعك تانى ابدا ..اصل قلبك هو قلبى ..يعنى لو قلبى وجعك هيوجعنى انا كمان ..فاهمنى ؟؟
وبعدين اذا كنت انا كلى منك وانت نص قلبى معاك ..تفتكر هزعلك ..المهم بس انت اللى متوجعش قبلى اللى جوالك ده :)
-هقولك حاجة بره الحلم :دلوقتى بس انا ليه بحب انك تمشى دايما على شمالى ..عشان انا ابقى قريب من ضلعى وانت تبقى قريبةمن قلبك :$) ...فاكره لماكنت ماشيين فى الشارع ....انا كنت دايما مخليكى على شمالى .. وكمان عرفت انا ليه بحس بكل حاجة انت حاسه بيها ..مش قلبك جوايا ؟؟ :$
*فى الحلم : طيب انت اسمك ايه بقى ياللى اخد نص قلبى ؟
-انا مليش اسم !
*لأ لازم يكون لك اسم ..
-اصل انا كنت عايش هنا لوحدى ومكانش حد بينادى عليا يعنى مكنش ليا اسم ..
*طيب دلوقتى انت مش لوحدك ..و..
-هههههههه مش بقولك انت دايما "بتشوفى الحاجات بطريقة مختلفة"
* اسمع انا هسميك "أمل" ...
-يعنى ايه الاسم ده ؟؟
*امل يعنى الامل ..
-يعنى ده شجرة ولا عصفور ولا ايه ..قوليلى هو شبه ايه وانا هعرفه علطول ..
*(هنا انت اخدتى بالك انى كنت بشوف الحاجات المحسوسه بس ومكنتش افهم المعانى المجردة دى) ..بضحكتى وقولتيلى .."انت مش فاهم حاجة كده خالص" الامل ده حاجة تفهمها بقلبى اللى جواك ..الامل ده يا سيدى يعنى الرجاء والحلم والطموح والدعاء والمستقبل وووو (وفضلتى تفهمينى فى اسمى لحد ما بدأ اشغل قلبك اللى جواايا كويس
-طيب انا عاوز اسميكى اسم ..انا هسميكى "أ.." والغريبة انك فهمتيه على طول ومحتاجتيش انى افهمهولك :)
وبعدين سندتى على ايدى وقمتى ..زى ما انا قمت بقلبك لما كنت نايم ..
قضينا ايام حلوة فى الجنه (حذف للرقابة :P)
وبعدين طلعتى بفكرة مجنونة بس عجبتنى ..
* ايه رأيك لما نجرب الارض ؟
-ايه الارض دى ؟
*دى المكان اللى بره سور الجنه ..انتت مشفتوش بس انا متأكدة منه تعالى نجربه ..
-بس مش احنا مستريحين هنا ؟
*انا عاوزة اجرب معاك كل حاجة فى كل مكان ..المهم ابقى معاك ..حتى لو هنسيب الجنه شوية ؟
-شوية ؟؟
* اه متخافش احنا هنرجع الجنه تانى مع بعض
- عارفه ؟؟انا مش فاهم اللى انت بتقوليه كويس بس طالما انا معاكى يلا نجرب كل حاجة ..وبعدين يا ستى نزلنا الارض ..
وتهنا من بعض بس اتقابلنا تانى وادينا بنتكلم اهو ..بس معرفش ليه انا بحب ارخم عليكى كأننا مولودين على روس بعض ..مع اننا مخلوقين من بعض ؟؟
* ههههههه .. طيب احكيلى عملت ايه فى الفترة اللى كنت تايه فيها ؟
-(انا حبيت اغيظك ) فقلتلك : "انا لقيت على الارض كائنات اسمها "بنات" شبهك ..
*شبهى ؟؟
-(انا "بعك" باين ) احم ..لأ مفيش حد شبهك ..هما بيحاولو يبقو شبهك بس معرفووش ولا يقدروو اصلا ..
*"يا بكااااش" :@:$ ...طيب عارف ..انا سمعت اننا لما هنرجع الجنه تانى هيكون فى "حور عين" هو انت هتبصلهم وتسيبنى ؟؟:(
- هههههههههه قلتلك :"ولا حتى حور العين "
* :$
احم ايه الحلم ده ..الحاجة الوحيدة اللى صح فى الحلم هى "انك مش فاهم حاجة خالص " وبعدين انت "بكااش اوى على فكرة اصلا "
انا بكره هحكيلك اللى حصل بجد مش هألف زيك كده ...
-طيب احكيلى دلوقتى ..
*هههههههه لأ مش هحكى ..سامع ؟؟
-ايه ده ؟؟
*ده الفجر :)
-هو الفجر ده مستقصدنا ولا ايه ؟؟ ده ناقص يفضل يدن بدرى كل يوم لحد ما نلاقيه بيدن العشا ..وبعدين احنا فى فرق دقيقتين يعنى انا مش هقوم الا بتوقيتنا ..
* :$)
-ده الفجر
*آه هو فعلا :)
-طيب يلا نصلى :))))

لم أكن طفلا مكتمل النمو

بتاريخ 26 ابريل 2012
--------------
شوفو انا بعيط عشان ارجع عيل صغير
صحيح العياط مش هيرجعنى عيل
بس هو فى حد ذاته حاجة كنت بعملها وانا صغير
او مكنتش بعملها
اصلهم بيقولولى انى كانت دماغى ناشفة وانا صغير
ولما كان حد يضربنى اعاند واقوله انا "مش هعيط"
ههههههه وفعلا مكنتش اعيط مهما كانت الضربة
او الحاجة اللى تزعلنى
ومع انى ندمان انى معيطتش
ولا صرخت فى الوقت اللى كان مسموحلى فيه انى اعيط
الا انى لما كبرت شوية بردو مكنتش بعيط
كنت بقول ان مفيش راجل بيعيط
بس دى طلعت كدبه تانية كدبتها وصدقتها
المهم يعنى انا عاوز ارجع زى زمان بالظبط
ايامها لما كان حد كبير يقولى انت "ساذج"
كنت افرح قوى وفاكرها شطاره منى
اكيد كان كل العيال ساعتها ساذجين زيى
بس انا كنت بنافسهم عشان اكون اكتر واحد ساذج فيهم
هبل بعيد عنكم يعنى
بس لما كبرت شوية استحليت الموضوع الصراحة
وفضلت عيل وساذج فى عيونهم اطول وقت ممكن
بس جوايا كنت بكبر بهدوء ومش عاوز ابين لهم حاجة
عشان احافظ على صورة الساذج دى اللى فهمتها بعدين
بس لما كانو فاكرينى ساذج مكانوش بيخافو منى
عشان كده كانو بيتكلمو وانا موجوود عادى
وكنت بسمع كلام مش المفروض اسمعه
ولو سمعته المفروض ان عقل مكانش يفهمه
بس انا كنت بسمع بمزاجهم
وبفهم وهما مش واخدين بالهم
انا عاوز ارجع ساذج تانى
ساذج بجد بقى
ساذج مش عارف انه ساذج
ساذج مبيمثلش عليهم
هو ليه الواحد خايف يزنل يجرى فى الشارع
الناس مثلا هتقول عليه اهبل ؟؟
اتحدى ان كل الناس دى نفسها تجرى معاه !
بس ليه محدش عاوز يعترف انه خلاص تعب "وجاب آخره"
وليه مينفعش اروح العب فى ملاهى اطفال تحت ست سنين ؟
ولا اعمل طيارةورق فوق السطح
ولا اركب عجلة ستاشر
واسيب ايد واحدةكأنى عامل معجزة
حد عنده حل ؟!!!!

لماذا لا يرضى ؟

بتاريخ 6 ابريل 2012

---------------------------
ويبدو ان جميع المواقف فى بعدك متشابهه ..فالموت والحياة بالنسبة لى متقتربان فلا انا اريد الحياة بعيدا عنك ولا حتى اريد ان اموت الا وانت الى جواري تلقنيني الشهادة....كما يبدو انهما كلاهما ينبذانى كما افعل انا ،،،فلا الحياة تقبل عليا فترضى عنى وترضينى ولا الموت يستريح الى فيريحنى ..

لماذا ..... ؟

بتاريخ 24 مارس 2012
----------------
لمـــــــــــــــــــــــــــــــــــــــــــــاذا ....... ؟
اصبحت ادندن لحنا (ما) باستمرار
فتضرب قدمى الارض برفق
واشعر بقلبى ضابطا للايقاع
ولا يتحرك لسانى
فأغمض عينايا
كم اتمنى ان ندندن الحاننا معا ؟
----------------------
أنطق اسما (ما) باستمرار
وافرح عندما اسمع اسمى منهم
والمئات لنطقونه كل يوم ؟
-----------------
احتفظ بأدق تفصيلاتهم
قسمات وجوههم
نظراتهم
بسماتهم
ضحكاتهم
وكل هى صور تشبه المكعبات
أكون منها صورة او اكثر ؟
-------------------------
يدخل الكون فى سبات
عندما انظر الى اعينهم
يسكن كل شىء
او تتحرك الصورة حركة بطيئة درامية
أنسى ان ابتسم لهم
تشغلنى فقط ملامحهم
نظراتهم
اشعر بهدوء كل شىء
الا اضطراب قلبينا
التى انتظمت فى دقاتها معا
وكأنه لحنا نهاونديا ؟
----------------------
أحدثك ليل نهار
أجدك مرة عن يمينى
واخرى عن شمالى ؟
----------------------
فى وجدودك النار بردا وسلاما
امتلك صبر ايوب الى جوارك
وعندما ابتعد يهوى الصبر بعادى
انا واثق فى القدر هذه الثقة
بل انا مؤمن
اضحك حتى البكاء عندما اجدك
وابكى حتى الضحك عندما تغيبين
وما يضحكنى الا روحك ؟
------------------------
يجهدنى النهار
ويشعرنى الليل براحة اهل اكهف
اسهر الليالى فى انتظار القمر
اتمناه بدرا كل ليلة
واذا غاب
اتعلل بالنجوم
فاعكف عليها
استجديها مرة
واعدها مرة اخرى
لا اهتم بالشمس
واشعر بكل ما يشعر به القمر
فجر الشعراء حريتهم
وفجرى سجن عظيم ؟
---------------------------
ينعقد لسانى اغلب الوقت
مشاعرنا اكبر من قولبنا
وكلماتنا اعظم نت السنتنا
احلام اليقظة فى الليل
واحلام الليل فى النهار ؟
-------------------------
احب كل من كرهته يوما
وسامحت كل من احطأ فى حقى بلا عذر
أمنت جانب كل (ما)كنت اخشاه
وعاد الى جوارى كل من افتقدته ؟
-----------------------
احببت لونا جديدا
تعرفينه جيدا
مزجت الواننا معا ؟
---------------------
نحلك نفس الحلم
نتكلم نفس الكلام
نشعر نفس المشاعر
تتردد (احدى) كلماتك فى اذتى
واردد بعضا على لسانى زهوا
واعشق ان اسمع عباراتى على لسانك ؟؟

------------------------
هل تدرين اجابة كل هذه الاسئلة ؟؟

نشاذ الروح

بتاريخ 16 فبراير 2012
--------------------------
اعشق نغمات البيانو المرسومة ببراعة على نوته موسيقية بل اعشق اصواتها عندما تنطلق بين اصابع عازف بارع حتى اننى فكرت فى الحصول على آلة بيانو خاصة بى وبدأت انتظم فى دروس البيانو وبعد حصتين قررت الا استمر فأنا فنان مجنون ولكنى لست بأبله أكره الرتابه والروتين فكيف انتظم فى دروس تحجم روحى ..انا ارى ان البيانو يجب ان يعزف بلا دروس هكذا لا اتقيد بنغمة او زمن او ميزان .. اعزف الدو ثم الفا فالرى ثم دو ثم فاولا اعزف سى فأنا لا احبها ..يمككنى ان اطيل زمن النغمة عن النوار او اجعلها اقصر من الدوبل الكروش ..وقد اطيل السكته الى الأبد ..يمكننى ان اعزف على اى سلم اريد ..قد ارسم مفتاح الصول او الفا ..قد ازن اللحن ربعا او نصفا او ثلاث ارباع ..قد استمر فى العزف لاشعر بالراحة وقد اتوقف لاشعرر بالتعب .. اصبحت استمتع بالنشاذ ..احب نغماتى وارضى عنها طالما هى ترضى توأم روحى .

انتظرينى عند نهاية الطريق ..أنا آت

بتاريخ 15 فبراير 2012
-------------------
عندما اكتب استغرق يومان او اكثر
حتى تتضح معالم الافكار فى رأسى
وكنت اجد من المشقة ما يجعلنى
الا افكر فى الكتابة مرة أخرى بعد كل مرة
الآن انا وبمجرد ان طلبتى منى ذلك امتلأت رأسى بالافكار
وشعرت برغبة قوية فى الكتابة
واكتشف ايضا انه يمكننى أن اكتب وانا سعيد ايضا
لكن هذه المرة افكارى ليست مرتبة
ولن احرص ان تبدو الالفاظ او المعانى كأديب
وشعرت ايضا بقصور معجمى وقواميسى عن صوغ بعض المعانى
اننى ابحث عن كلمة شكر لا تتكون من الشين والكاف والراء
وكلمة اعتذار تخلو من حروف كلمة اسف
بل اشك اذا كان من المسموح ان استخدم تلك المعانى معك اصلا
اليوم وانا اعبر الطريق لاحظت اننى اكون فى اقصى حالات الانتباه
فانا اخشى عقبات الطريق وطيش من يقودون تلك السيارات
بالطبع الحياة كطريق هى الاصعب
وان عبور عقباتها يحتاج انتباها اكثر
ولكنى متأكد ..
يمكننى ان اعبير اى طريق معك وانا مغمض العينين
فأنت الى جوارى دقات قلبك وسكون انفاسك واضطرابها ثم هدوءها سيرشدنى خلال الطريق
ويمكننى ان اعبر الطريق مغمض العينين ايضا وانت لست الى جوارى
بشرط ان تكونى على الجانب الاخر من الطريق
لانى حينها سأسمع صوتك ينادينى .. انتبه تقدم ..توقف ..تعالى
فما بالك اذا كنت اعبر الطريق وانت الى جوارى تساعدينى حتى اصل اليك على الناحية الاخرى !! :)
اصبحت اشعر وكأن القمر يخرج لنا فقط وانه متفرغ لرسائلنا
ومنذ ان علمتينى لغة وجه القمر وانا اقرأها كل يوم
وأن النجوم تخرج لتحتفل معنا ..وانها مع وميضها وظهورها واختفائها
ترسم على ليل السماء صورة نجمة او زهرة بلون نعرفه جيدا
لن افصح عنه الآن حتى لا يعرف أحد ان تلك الرسائل تخصنا نحن
أخبرتك من قبل انى اقرأ ما يشعر به الغرباء
وان القريبون منى لا افهم مشاعرهم
بل تنعكس مشاعرى على وجوههم
انت لست قريب الى ..
لأنك أنا ..ولا يمكن ان يكون النسان قيربا من نفسه
لأنه هو يكون نفسه
فلا تنعكس مشاعرى على وجهك
بل تختلط مشاعرنا معا ..وتنعكس على كل ما حولنا زز
قبل ان عرفك كانت الضحكة اصعب ما يمكن
حتى الضحكة المصطنعة لم اكن احسنها
الآن اضحك من قلبى بمجرد ان اسمعك تقولين "اضحك"
لم ارسم القلوب من قبل .. الآن ارسمها فى كل مكان
لكنى لا ارسم ذلك السهم الذى يخترقها
واكتفى فقط بأن اكتب اسمنا المشترك حول هذا القلب ("أنا ")
عودتينى اشياء كثيرة عند الفجر
احببت تبادل الادوار حينها
الفجر .. اه هو فعلا .. طيب يلا نصلى
اليك بعض الرسائل :
كم هى ظالمة كلمة "أجل"
أنت الوحيدة فى الدنيا التى تستحق لقب "فتاه"
"على قاربنا لا تقلق لم نصنعه من ورق "+-+

اقولك حاجة ؟!

 بتاريخ 17 يناير 2012
-------------------------
أقولك حاجة ؟؟
انا النهاردة سرحت شوية كده فى المستقبل :) عارفه لقيت ايه ؟؟
-شفتنا يوم ما انتى بتولدى بنتنا ..وانت تعبانه خالص وبتقوليلى الله دى زى القمر وشبهك كمان :D ..ساعتها بردو انا شايفها شبهك انتى وبقول يا رب متبقاش شبهى خالص :p
-ولا بعدها بشهرين كده وانا راجع من الشغل وداخل البيت وبسألك عليها وانت بتقوليلى دى مغلبانى طول النهار ومتصحيهاش حرام عليك ..وانااعمل فيها طيب واقولك انا اصحيها ؟؟ لأأ
عمرى !!:p واستناكى تدخلى المطبخ تعملى الغدا واروح عليها اصحيها واقعد اكلمها وكأنها فاهمانى يعنى xd
انا فكرت فى حاجات كتير ..فاكره مثلا لما كانت لسه بتتعلم الكلام ..صحييح هى اول ما هتتكلم هتقول "ماما" بس انا هبقى فرحان :D مهو ده اقل حاجة ممكن تعملهالك يعنى ..مش فضلتى حامل فيها ست سنيين :p
ولا لما الاقيها بقى كل ما ارجع البيت تاخدنى بالحضن وتقولى بابا XD
-ولا لما كبرت شويةودخلت المدرسة وباين عليها انها مش ناtعة فى تعليم وانت بتقوليلى شووف لك صرفه فى بنتك :p كأنى يعنى جايبها من جنب الجامع .. م هى بردو بنت حضرتك يعنى وبعدين ياستى متشيليش همها هى هتطلع ذكية لميين فينا يعنى Xp :d
ولا لما تكبر كمان شوية وتبقى كده بتعرف تتكلم وتتناقش وتقعد تناحى فيا وتغلبنى وانا فرحان ان بنتى بتغلبنى واعمل لها اللى هيا عاوزااه :)
ولا لما آجى اعاقبها ولا حاجة الاقيكى بتقوليلى ملكش دعوة ببنتى سيبها فى حالها ..على اساس ان انا ابن عمها مثلا :p واعملك خاطر ومزعلهاش :)
ولا لما اسألك عليها وعن اخبارها وانت تقوليلى كل الحاجات اللى هى بتقولك عليها سر متقوليهاش لبابا وانت بردو مبتخبييش عليا وهى يا عينى فاكراكى بيير :p (انت بير بس انا بشرب منه عادى يعنى :p
ولا لما ييجى اليوم اللى نلاقى العرسان ادام البيت وانا مش عاوزها تبعد عنى وقاعد اطلع الحجج بقى ..لسه بدرى ..دى لسه بتدرس .. صعب اوى ان حد ييجى يطلب ايد بنتك دى >>
ولا يوم فرحها بعد ما نرجع البيت من غيرها ونقضيها عياط طوول الليل :)
ولا بقى لما تخلف واد تسميه على اسمى :p وييجى عندى بقى ادلعة وابوظ اخلاقه وتربية ابوه ليه (مهى احسن حاجة ان الجد يبوظ احفاده) واعلمهم الشتيمة واديهم فلووس كتيير :p
ولو ابوه جه يعاقبه اقف له .. مع انى مكنتش بحب حد يتدخل واحنا بنربى ولادنا :)
ا
يااااااااااااه ده الواحد دماغو راحت بعييد اوى :DXDXP

أحلام ونقاط ..

بتاريخ 9 يناير 2012
--------------
وجودك فى احلامى يكفى لأقتنع بروعة الاحلام إنه يجعلنى اتضرع الى الله بأن أحلم كل ليلة ..الامر اشبه بلوحة نقف فيها تحت قطرات المطر.. على أرض (خضراء) ..فى نهار مشرق جدا ..حيث نعطى ظهورنا للشمس ..رغم روعتها.. لنستمتع بطول ظلالنا على الارض وقوس قزح فى السماء ..قصتنا اشبه برواية (..) حيث نكتب فيها معا حرفا بحرف ..حروف لونها (أخضر) فيروزى ..حروف لها رائحة هى أقرب لرائحة (الجنه) ,,حروف تلمع حتى فى اخفت الاضواء ..فى ذلك الحلم عندما أراكى لا استطيع الا النظر اليك ..أحيانا التفت عنك فأرفع يدى اتمنى من الله الا افيق منه ابدأ .. فى المرة القادمة عندما تقررين زيارتى (فى حلمنا) ..لا تتعجلين بالرحيل ..
شكرا يا من منحنى قلما جديدا وملأ دواتى مدادا لا ينتهى قط وجدد اوراقى ودفاترى .. :)

فضاء

بتاريخ 31 ديسمبر 2011
--------------
اشعر بفراغ ..
لا اقصد أنى لا اجد ما يشغلنى ..
انا اشعر بتجوييف داخلى ..
فضاء ..ليس الهواء حتى من مكوناته
بؤرة مجوفه داخلى تتضخم
تضغط على احشائى من جميع النواحى حتى مزقتها ..
يمتد فى اطرافى حتى اناملى ..وقدمى حتى الاظافر..
لا يتبقى الا قلب !!
توحش هو الاخر ,,اختل كل الفراغ وازداد حجمه ..
انه يخفق بعنف ..ليدفع الدم الى ...
الى اين ؟؟ فقد زالت احشائى !!
لا يبقى معه الا بعض الشرايين والاورده فى عنقى ..
تخيل ..انه يدفع كل هذا الاضطراب الى عنقى ..
تشنجات مؤلمة فى عنقى ..وعضلات وجهى ..
الان أعرف سر ابتسامتى ؟؟
انها ليست حقيقية أو زائفة ..
انها فقط تقلصات لا اريدها فى عضلات وجهى ..
اكتب فقط لانفس بعضا من هذا الفراغ ..
وقد فضلت الا اسمح لك بقراءة هذه السطور ..!!

ألبوم فى صورة

كتبتها يوم 21 نوفمبر 2011
--------------

لم اعتد يوما أن افتح ألبوم الصور
ولكنى الآن اعيش بداخله
لا اهتم لصورى او صورهم
ابحث لك عن صورة ..نادرا ما اجد واحدة
كنت اقلب الصور سريعا
فانا لا احتاج ان انظر فيها لأعرف ان كانت لك
يكفى ان المس الصورة وانا مغمض العينين..
.. لأشعر بوجودك فيها
ربما اعرف سبب اخفائك صورك من البومى
لكنى ان لم اجدك ..اجد ظلك
ارى ابتسامتك على وجهى ووجوههم
ربما لم تريدى ان تبقى لدى صورة لك
لأحيا بها
لكن الآن ,,ألبومى كله صورة واحدة
انت ...
 

الأربعاء، 15 أغسطس، 2012

ربما لم يعرفوا النساء قط

لن نختلف على القول التالى :
"ان الانسان عندما يملك أعلى جودة ممكنه من شىء ما ..
وفى نفس الوقت يضمن خلود هذا الشىء ..
فانه لن يسعى ابدا لايجاد بديل لهذا الشىء الخالد "
اذن ..
لو عرف البشر سر الطيران الخالد
لما حاول احدهم استخدام ريش الطيور
لأن الطيران لا يحتاج مبادئ برنولى
انه يقوم على مبادئ كيوبيد
هذا لأنهم -فى رأيى- لم يعرفوا النساء
كل ما يجب فعله هو ان المس يدها
فأجد نفسى فى السماء
بلا مسارات طويلة للانطلاق
تلمس اقدامنا السحاب
تدغدغنا قطرات الماء المتكثفة
تلقى نفسك فى الهواء
لا تخشى الموت
لأن المحبون خالدون
لا يمكن ان يموت من أحب
اذا مات احدهم
فمن المءكد ان الموت اغتاله فى اللحظة 
التى ضعف فيها حبه
اذن لو عرف ابن فرناس النساء
لو احب
لعرف سر الطيران الخالد
لما حاول ان يلقى بنفسه من فوق جبل ليطير
لو أحب .. لما مات 
يمكنك ان تتخيل السماء حينها واحة
زرقة السماء هى البحيرة
قطرات الندى هى الرمال
اشعة الشمس هى الاشجار الخضراء
وهناك الشعر
فى دقات قلبيكما عندما تتحد
تناغم مثالى لا يعرفه الشعراء
الا اذا عرفوا النساء
ربما تحب ان تتمشى قليلا فى الفضاء
اذا كانت هى الى جوارك
فهذه هى الحالة الوحيدة
 التى يمكنك ان تخترق فيها الغلاف الجوى
فلا تشعر بالحرارة الى فى يدك التى تلمس يدها
لا تحتاج الى زجاج امام عينيك
الزجاج الوحيد حينها تراه فى عينيها
المرسومة بأى لون تشاء
من قوس قزح 
سأخبرك سراً
لم اركب الطائرة إلى مرتين فى حياتى
رحلة ذهاب
ورحلة عودة
فى الذهاب ..رأيت السحب تخترق الطائرة
رأيت البحر الواسع الكبير الازرق
رأيت الغابات تبدو كأشجار صغيرة
ورأيت الارض وهى تنحنى عند الانطلاق
لكنى لم اشعر بيدى تخترق النافذه
وتلمس السحاب
إلا فى رحلة العودة وأنت الى جوارى
لا لأنى كنت أحلق فى الطائرة بين السحاب
بل لأننا كنا نحلق معا داخل قلبى
على جناحيك
ما رأيك .. المرة القادمة نحلق على متن "طيارة ورق"
-------------------
انتبهت الى أم كلثوم وهى تقول :
وبت من نشوتى أغنى
والليل يروى الحديث عنى
يا هدى الحيران فى ليل الضنا
قد غدوت الآن .. أدرى
من أنا .. وأين أنا

الاثنين، 13 أغسطس، 2012

دعوة.. فى ليالى النصف من اغسطس

من الشهور المقدسة ما لا يختلف عليه بشر 
ومنها من يخص الانسان بها ذاته
هذا حالى
انا ابحث الآن عن دعوة مستجابة 
اعلم ان هناك ما يجب ان نفعله 
لتكون دعواتنا اقرب الى الإجابه 
لا اعلم منها الا شرطا واحدا 
هو مهيأ الآن على أى حال 
يقولون ان لله فى دهره نفحات
هى ايام على درجات مختلفة من القداسه
يحسن فيها التقرب الى الله بالزلفى والدعاء 
نعم ..هذا هو اول الخيط 
لنرى ما هو تاريخ اليوم
انها اول ليالى النصف من اغسطس 
لا تتعجبى 
فكل الشهور المقدسة يخصها الله ببضع ليالى
يكون الانسان فيها الى الله اقرب 
واغسطس -كما تعلمين- شهر مقدس عندى
ولأنه مقدس اذن فليالى النصف من اغسطس هى اكثرها قداسة
انا اعلم من اسراره الكثير
هل تعلمين مثلا ..
ان قمر اغسطس يكتمل فى الليلة الثالة عشر ؟
الم يخبرك أحد ؟
اذن .. هل اخبروك أن فى مثل هذا اليوم
منذ تسعة عشر عاما بالضبط
ظهرت الشمس بازغة
الى جوار البدر فى عز الليل
هذا خرقت نواميس الكون
اتدرين السبب ؟
ببساطة
ليلتها ولدت الحياة
ان لم تكن حياة الكون ..فحياتى أنا وأنت ..
بم تدافع النواميس امام قوة الحياة ؟!
لهذا اخضعت الشمس والقمر
كل هذا يؤكد انها ليلة مقدسة
ثم اننا فى العشر الأواخر من رمضان
لعلها ليلة القدر
ماذا احتاج اكثر من هذا ليستجيب الله دعائى ؟
اذن ..
أسجد
أرفع من السجود
ارفع يداى الى السماء
اعلى من رأسى كثيرا
اخفض رأسى فى خضوع
حالى يقول :
"استجب يارب استجب"
قلبى يقول :
"لغيرك ما مددت يدا "
ولسانى ينطق :
"ربنا يخليكى ليا "
...

الخميس، 2 أغسطس، 2012

خمر فى نهار رمضان..

فتاتى تهوى المرح
اذا استخفها المرح تلهو معى أو تلهو بى 
سأسوق الدليل وأترك الحكم لها ولكم
اتفق لها هذه المرة أن تلهو بى
خيل الى اننى اجلس منها مجلس طالب العلم من الشيخ
تحاول ان تبدو شبه جادة
تبذل جهدا
تغمض جفنيها فى رقة بالغة
لعلها تستحضر المشهد فى خيالها 
تقطب حاجبيها قليلا
انا كاد اموت من الضحك 
وجهها لم يطبع للعبوس 
انها لا تجيد اتقانه 
وحتى لا افسد عليها خطتها
استحضرت مشاعر طالب العلم فى حضرة شيخه 
(سكون ..ثم ..)
قالت : 
-اسمع يا هذا .. سأسأل وتجيب .
-حاضر ..
-أخبرنى ما قول الشرع فى شرب الخمر فى نهار رمضان ؟؟
-الخمر حرام كله ..فى رمضان أو غير رمضان .
-ولم اذن ؟
-لأنه مسكر ..
-اذن انت تقول ان كل خمر مسكر حرام ؟
-نعم هذا مبلغ علمى ..
نظرت الى وجهها
لعلنى المح نظرة رضا الشيخ عن تلميذه
لم اجدها ..
وجدت شيئاً آخر
نظرة المحارب الواثق من فوزه فيما سيلى من المنازلات
تكاد تفرك كفيها تحمسا للنصر
هذه المرة هى جادة حقا .. قالت :
-اذن ما قول الشرع فى خمر عينايا ؟!
-سيدتى ماذا تـ .... !
-اجب ..
-انا لا اعر....
-أحقاً انك لا تعرف ؟!
انها الآن غاضبة جدا ..ماذا أجيب ..
-ربما اعرف ..اذا ..انا اريد ..احم ..الهمنينى ..
رأيت على وجهها ابتسامة رضا ..قالت :
-ألهمتك ..اجب اذن ..
فقلت :
"الخمر الذى يجعلنى زاهدا فى الدنيا وما فيها وأنا الى جوارك لا يمكن أن يحرم حتى وان كان مسكرا يذيب عقلى وقلبى .."
----------------
انتبهت على عبد الوهاب وهو يقول :
"عارف ليه ؟ من غير ليه ! "
لأجدنى فى السيارة ..
احلام اليقظة من جديد 
.....

الأربعاء، 1 أغسطس، 2012

اباطرة الرومان ..

السلام عليكم
لا يهمنى من اباطرة الرومان الآن سوى اثنان , أقصد السادة يوليوس قيصر وأغسطس قيصر ..لظروف انشغالى لم يتح لى الوقت ان اتعرف على أيا منهما شخصيا ً .. ولكنى متأكد ان كلاهما قد سمع بى يوما ما .. احم ..:P

ما اريده الآن هو انى احاول ان استنتج شيئا عن شخصياتهما ومواطنهم الاصلية :D عن طريق ملاحظة سريعة لأثر كلا منهما فى حياتى ..

يوليوس قيصر :
-شخصيته جادة عنيدة تغوى باللعب لكنها سرعان ما تتخذ المواقف الحازمة ..لا ترفض نداء لأى معركة ولا تبالى بأعداد الموتى ..تحتفل اذا فازت او خسرت فالأمر سيان ..خلاصة القول ان قلبه فيه شىء من حنان ..اما جسده صلب كالفولاذ .
-انا متأكد من انه يعيش فى مكان ما معرض للرياح ..لا مانع ان كثرت الامطار ايضا ..ارق فصول السنه بالنسبة له هى الخريف ..ربما لم يسمع عن الربيع اصلا .

أغسطس قيصر :
-انا لا اعرف من يسبق من تاريخيا ..لكنى اعتقد ان اغسطس تلا يوليوس قيصر ..لى اسباب ..
-شخصيته كلها رقة ..لم يدخل حربا ..حبه للعدو كان يمنع العدو من الاقتراب اليه .. هادئ جدا وبشوش ..اعتقد ان همه الأول كان انقاذ بلاده واعداءه من جراء ما فعلته سياسة يوليوس قيصر ..أحب كل الناس لكنه خص قليلا منهم بالرعاية الفائقة ..انا كنت احد هؤلاء بالمناسبة ..
-كان يعيش فى بلدا معتدلا ..احب الربيع او كان هو الربيع كله ..ربيع اغسطس لم يحمل الا الجمال والنعيم ..احاط قصره بحديقة لها نافورة ..

لذا قد سموا السهر السابع يولو ..لأن احواله هى ذاتها احوال يوليوس قيصر ..واغسطس كان الشهر الثامن ..
اهلا أغسطس ..يا ربيعى الخاص :)

الأحد، 22 يوليو، 2012

أكتب إليها ..

لم اكتب منذ فتره
لكنى سأعود الى الكتابه هنا مرة اخرى
سأكتب اليها
 حابب النهارده اشرح لها انا ليه مبكتبش
وليه صعب انى اكتب حتى من النهارده السبب هو
الفرق بين الكتابه عنك والكتابه اليك
 ..
انا هنا  = )

الثلاثاء، 15 مايو، 2012

تهييس عامل نفسه تأمل :P


(حدثت احداث هذه التدوينة امبارح الساعة 7 مساء بالظبط)
انا كنت راجع بيتنا وراكب العربية ..وحدث ما لم يكن الحسبان ..اللابتوب فصل شحن ..والموبايل فاضل فيه واحد وسبعون قرش بس ..وكمان ناوى يفصل شحن ..ولأول مرة ميكونش معايا اى كتاب فى العربية اقرأ فيه حتى لو كان معايا كتاب مكانش فى نور اصلا ..
انا اول حاجة فكرت فيها ان اكيد ربنا عمل كده عشان انا استغل الفرصة اتأمل شوية ..
--------------------------
اول حاجة فكرت فيها : "ايه ده هو الواحد يعمل ايه عشان يتأمل" فعلا انا معرفش يعنى انا المفروض اعمل ايه فى الحوار ده ..اكيد التأمل ده له ناسه بردو وله طقوس ..انا قلت اعيش الدور وخلاص ..قمت باصص من شباك (بضم الشين) العربية وقلت اكيد هطلع بنتيجة ..ويارتنى ما طلعت ..لقيت سيل من الافكار الهبلة والقيمة فى نفس الوقت ..ايوه مع بعض ..هى هبلة عشان ملهاش معنى ..وقيمة طبعا عشان انا اللى فكرت فيها --بلا فخر :P
--------------------------
اول حاجة لفتت نظرى هى الشجر اللى مرصوص على جنب الطريق  ..سألت نفسى :"يا ترى لو زرعنا بذور الشجر دى فى نفس الوقت كلها هتطلع فى نفس الوقت ؟ "
اكيد لأ ..الموضوع اكيد فى عوامل هتأثر فيه ..ممكن بذور تكون مش شغالة مثلا :P
طيب لو افترضنا انهم طلعو مع بعض هل هيموتو مع بعض ..ايه اللى انا بقوله ده ..الاعمار بيد الله طبعا ..ده اذا كان التوائم مش شرط يموتوا مع بعش الا فى حالات محددة يعنى مثلا :-
-ان ربنا يكون عاوز كده
-او ممكن يكونوا فى عربية مع بعض ويعملوا حادثه ويموتوا :P
-او ممكن يكونوا يعنى مرتبطين ببعش جامد فلما واحد منهم يموت التانى يموت من الخبر ..زى الافلام الهندى كده ..او حتى ينتحر :D
وبمناسبة التوائم ..هوا احنا ليه دايما لما بنلاقى توأم مع بعض بنحب نسألهم "انتو توأم"
ممكن يكون واحد جه الاول وامه طلعت عليه واحد تانى :P :P
------------------------
كمان لاحظت ان الشجر الطويل اوى بيكون معوج من فوق ..الا اذا كان فى فوق فروع كتير فبيكون مظبوط ..اكيد فى درس وحكمة من الموضوع ده بس انا موصلتش لحاجة

طيب مين زرع الشجر ده كله ..تقريبا معظم طرق مصر عندها شجر على النحيتين ..ممكن يكون حد زرعوا ؟؟ صعبة اوى !! وفى نفس الوقت صعب جدا انه يكن طالع من نفسه بالنظام ده ومفيش شجرة مثلا طالعة فى وسط الطريق ! ممكن مثلا يكون حد زرع اول كام شجرة والشجر اتكاثر ..واكتسب صفة وراثية انه يرتب نفسه على الطريق :P
طيب بلاش ده .. بيجيلو ميه منين فى الوقت اللى مفيش فيه شتا ؟ :/
--------------------------
وسبحان الله فعلا ..شايفين مثلا نواة البلح جامده ازاى ؟؟ ومع ذلك ممكن تتكسر بحاجة سهلة جدا ..لو حطيناها فى تراب وعليها شوية ميه ..لان النواة دى ما هى الا جنين بس صلب كده عشان الحماية
-------------------------
سرحت فى حاجة تانية خالص ..بعد مكالمة موبايل يعنى ..اكتشفت ان فى ناس مش محتاجين مننا حاجة خالص غير اننا نديهم فرصة انهم يهتموا بينا ..ايوه هما محتاجين انهم يهتموا بينا مش احنا اللى نهتم بيهم .. مثلا لما تكون شايل شنطة خفيفة وتلاقى صاحبك عاوز يشيلها عنك ..مش لانها تقيله ..بس هو عاوز يحس انه بيهتم بيك وانك بتعتمد عليه ..ابقى شيلهاله وخلاص ومتزعلوش منك ..:D
--------------------------
هوا ليه مترو الانفاق تحت الارض ؟؟ ليه معملوهوش قطر ويمشى فوق الارض ويوفروا المصاريف اللى فى حفر الانفاق ..سؤال غبى ..اكيد لو المترو فوق هيعطل الدنيا وكل شوية هتلاقى مزلقان وعربيات وقفه وزحمة وهنيجى نكحلها نعميها :P :D
--------------------------
بعدين بقى فكرت فى علاقة العلوم بالجماد والكائنات الحية
فى علوم كتير بتشترك مع بعض فى دراسة نفس الاشياء بس كل علم فيه حاجة بتميزه عن التانى وبتخليه انسب علم لدراسة الحاجة دى ...حتى الحاجة الواحدة ممكن يختلف انسب علم لدراستها باختلاف حالتها ..لو حد فهم حاجة يبقى يفهمنى :P

انا قصدى مثلا .. الشجرة
ممكن يدرسها علم النبات ..او علم الفيزيا ..او الكيميا او حتى الاقتصاد
بس احسن علم يدرسها طبعا هوعلم النبات ..بس ده لو هى فيها الروح ..مثلا الشجرة دى لو ماتت ..تبقى جماد ويبقى احسن علم يدرسها هو الفيزيا اللى ممكن يفسر لنا مثلا هى ليه لسه واقفة وموقعتش بعد ما ماتت ...
--------------------------------------
الانسان ده بقى حكايه مع العلوم !!
يا ترى العلوم المخلفة بتعتبره ايه ؟
الكيميا مثلا :
الانسان هو عبارة عن شوية مركبات اغلبها البروتين ومعاها سكريات (كربوهيدرات) ودول تركيب معظم الحاجات حتى العضم بيتكون منهم ومعاه شوية كالسيوم :D
 
الفيزيا بقى انا مش عارف بس ممكن :
الانسان مجرد جسم زى اى جسم بس يزال له حاجات خاصه بيه
-مثلا موصل جيد للكهرباء ..بس فى نفس الوقت بيتكهرب ويمووت ! وميتهيأليش ان الجماد ممكن يموت :P
-او مثلا جسم وله كتله وقصور ذاتى ..بس عنده عضلات يقدر بيها يقاوم القصور الذاتى ده ..وذاتى الحركة مش محتاج قوة خارجية عشان يتحرك يعنى :P !!

بس افضل حاجة تدرس الانسان هى العلوم الطبية ..
ودى غالبا بتعتبره اجهزة زى الجهاز الدورى والتنفسى .الاجهزة دى عبارة عن اعضاء وانسجة وخلايا ..

بمناسبة العلوم الطبية ..انا بيتهيألى ان الانسان للدكتور عبارة عن زبون :P ..مكسب بارد يعنى ..لأن ربنا هو اللى بيشفى والطبيب يأخذ الاجر :D
-------------------------------
كنت الصبح بقرأ عن اخلاقيات المهنه اللذيذه دى وبالنسبة للعلاقة بين الاطباء لقيت :
"لا يجوز لطبيب ان يأخذ اجرا عند علاج زميل له ..وله الحق فى الاجر اذا عالج زوجته او اولاده " بجد حاجة مستفزة ..
يعنى ادخل اى عيادة تعجبنى ..الممرضة تقولى ادفع اقولها "انا دكتور" وبكده اكشف ببلاش :P :P
فكرونى بالافلام ..لما كان الكمسرى يقول "ورق" .يرد عليه الراجل "بوليس" فميدفعش فلوس :P
------------------------------
بصيت فى مراية العربية ..شفت نفسى اكيد يعنى ..انا شكلى فيه حاجة متغيرة جدا ..بس مش مزعلانى ..انا محلقتش من زمان اوى .. :P ..اكيد يعنى معايا فلوس ..والحمد لله انا بحلق عند حلاق طيب ومبخافش منه ..الغريبة بردو انى مش زعلان ..بالعكس -ابسولوتلى- انا ف اسعد ايام حياتى :D ..وبردو مش مشغول ..بس احسن حاجة فى الموضوع ان كل شوية حد يقولى يا شيخ ..غريبة اوى النمطية اللى بنتعامل بيها دى ..اللى له دقن يبقى شيخ ..لو الدقن طويلة يبقى سلفى ولو قصيرة يبقى اخوان ..ولو كنت ايام السبعينات مثلا ابقى شيوعى !! :P :P ..عموما لو حد قالى احلق هخسرو مفيش كلام عشان انا زهقت من الكلمة دى ..انا مستريح كدا اوى ..بنزل الشارع من غير ما اسرح شعرى :) احساس عالى كأن محدش هامك ..وبصراحة انا مش  راضى احلق عشان زهقت من الروتين والحاجات اللى مفروضة عليه ومستحيل كمان يتفرض عليا احلق امتى ..تقريبا دى الحاجة الوحيدة اللى بتحكم فيها فى حياتى :P :P
--------------------------------
اخيرا ..انا اليومين دول رجعت لهوايتى الوحيدة اللى معرفش غيرها .. البرمجة .. مع انه مش مجال شغلى بس انا لازلت بحبها ..بحب اكتب اكواد واجرب واغلط واشتم اللى اخترعها ..بقرأ فى اعز كتاب عرفته فى حياتى ..كاتب عبقرى ..تركى العسيرى ..لو متعرفوهوش ..جووجل يعرفوا كويس وانت اكيد تبقى خسران حاجة لو مسمعتش عنه :)
--------------------------
--------------------------
هكذا انتهت تأملاتى لو كان الهبل ده تأمل :D

الثلاثاء، 8 مايو، 2012

الطريق اليك ...

تمهيد :كتبت هذه يوم 10 مايو 2011 ..قبل ان اراك

اعتذر عن بعض الكلمات الجافة والصور الخشنة ..

---------------------------------
الشمس غرقت منذ بعض دقائق 
التوازن اللطيف بين الاحمر الداكن
والازرق الداكن يملأ الكون ببطء
قبل ان تحترق الشمس الى الأبد
وينفرد القمر الى آخر الكون
هذا هو الوقت
وانا لا اعرف اين انا
ولا استطيع ان اصف الاشياء بدقة
فبعد قليل من الوقت
والالوان اصبحت اكثر حدة
ابيض واسود
القمر ليس تاما
بل يكاد ينير فجوة ضئيلة فى السماء
الجو ضبابى
ربما
انا الآن ممدد على الارض
اسند رأسى لجزع شجرة
لا استطيع وصف اوراقها
هى تخلو من الاوراق بالاساس
المكان اشبه بالسجن
سجن حقيقى
تميل الافرع المدببة
تكاد تقترب من الرماد
حتى الفراغ الذى تتركه قبل ان تلمس الارض
يملؤه ظلها فى ضى القمر
سجن ..اليس كذلك ؟
خيال من بعيد يشق الظلام والظلال
بعيدا ..افلتله الغابة
يقترب
تقترب ..انها امرأة
(ملحوظة هذه المرأة ليست انت)
تقصدنى ..عيناها مثبتة على
فستانا اسود
عارى الكتف
خطوط حمراء وذهبية !
الوانى المفضلة
ارى خصلا فضية بشعرها
انها عجوز
تنادى ..تعال
انا اميرة ممكلة ..الموتى
بحثت عنك ..فى الموتى والاحياء
بحثت عمن يستحق عشقى القاتل
انت اذن تستحق قلبى المحطم
انه لم ينبض منذ زمن قديم 
تعالى معى ..انا احبك !
اعرف انها تخاطبنى
لا احد غيرى هنا
قلت :
انا سجين
جسدى محبوس هنا
وقلبى فى مملكة اخرى
تملكه اميرتى ..المجهولة
حتى انا لا اعرفها
وعقلى يتخبط فى ضلمات ضوء القمر
انا عاجز عن الحركة
هل انا مشلول ؟؟
يبدو لى انى لم اتحرك منذ الازل
حررينى اولا
وفجأة اجد نفسى امامها
لست انا !
ليست روحى !
انظر خلفى ..ذلك السجن
اجد بقايا منى !
لا عليك ..يكفينى انك هنا
ما رأيك ؟
ولكنى لا احبك
واخبرتك ان قلبى ليس هنا
اعرف ذلك
لم اعد احس تقلصاته داخل صدرى
بل اين صدرى ؟!
هل توقفت انفاسى ؟
ما هذا ..كيف اعيش هكذا ؟
اهدأ ..ستتعود
هكذا يحيا الموتى
وقلبك لا نحتاجه
احبنى بعقلك
انظر ..جددته لك
كن اميرا على مملكتى
ونحيا سويا فى قصرى
قبرى ..
تخدمك العظام
وتطوف حولك ارواح
عالم برجوازى ..مثالى
لن تحزن ابدا
لن تعبأ ابدا
طيف آخر لرجل
يقصدنى ايضا
هندام ابيض !
نضارات سوداء ؟؟!
انا عقلك يا سيدى
اذهب معها الآن
اريد ان ارتاح
وهناك سخر ما شئت
يبحث لك عن بقايا قلبك المزعوم
ويخبرك عن اميرتك المجهولة
صمت
ثم ضجيج من خلفى !!
حركات اشباح
شبح واحد
مرهق
عارى القدمين
ارى بقايا جسده
اللون الاحمر يصبغه
دماء ؟؟؟
يحمل اشياء بين يديه
يقصدنى ايضا
يتحدث الآن
لا اسمع اصواتك ..اقترب اكثر ..أرجوك
ليته لم يقترب
صيات صوته رماديه
صوته شاحب
من انت يا سيدى ؟
انا قلبك
ماذا حدث لك ؟
لم تأخرت
هل ابلغتها رسالاتى ؟
قال
اى اميرة تقصد ؟
انا لم اصل
ولا اذكر ما حدث لى
اعدنى الى صدرك
لعلنى استريح واتذكر
اين صدرك ؟
ماذا اصابك انت ايضا ؟
لقد ارسلتنى يوما برسالة لابحث عن اميرتنا
فى طريقى بحثت لم اجد
يبدو انها لم تظهر حتى الآن
لملمت ما تبقى منى وعدت اليك
ننتظرها معا
هكذا يهون علينا الانتظار
معا
من هذا الوسيم خلفت ؟
اظننى رأيتك ؟
هل تشاجرنا من قبل ايها السيد ؟
انظر حالك ايها القلب
طالما نصحتك
حاولت حمايته
كنت اخشى عليك
انا عقلك !
انظر الى لم يمسسنى ضر
هيا جميعا الى مملكتنا الجديدة
مملكة نملكها حقا
راحة للأبد
هناك قد نجد الطبيب
ولا حبيب
ولكن ايها العقل
اسمع
لا اعرف هذه السيدة
لا احبها
لن اذهب
انا هنا
سأبقى هنا
اميرتى آتيه
ستضمنى ..ستداوينى
انا باق
انت ايها الجسد اذهب معهم وحدك
هل ستبقى ؟؟ 
------------------------------------
تحديث
هكذا يا سيدتى لم اذهب معهم
انتظرتك انا وقلبى معا
ولم تحترق الشمس
مع انى اتمنى ان يسود القمر الى اخر العمر
لم تتأخرى
وعرفتك من اول نظرة
وهذا ما حدث
""""

وقابلتك انت لقيتك بتغير كل حياتى
ما أعرفش ازاى حبيتك ما أعرفش إزاى ياحياتى
من همسة حب لقيتنى باحب ...
وادوب فى الحب
...وصبح وليل على بابه
ياما الحب نده على قلبى ....
ما ردش قلبى جواب
ياما الشوق حاول يحايلنى
واقول له روح يا عذاب
ياما عيون شاغلونى
لكن ولا شغلونى
إلا عيونك انت
دول بس اللى خدوني
وبحبك أمرونى
أمرونى احب لقيتنى باحب
وأدوب فى الحب
وصبح وليل على بابه
ياللى مليت بالحب حياتى ... أهدى حياتى إليك
روحى..قلبى..عقلى..حبى ... كلّى ملك ايديك

صوتك..نظراتك..همساتك .... شىء مش معقول

شىء خللى الدنيا زهور على طول .... وشموع على طول

الله ياحبيبى على حبك وهنايا معاك ... الله يا حبيبى يا حبيبى الله الله

ولا دمعة عين جرحت قلبى .. ولا قولة آه

ما بقولش فى حبك غير الله ..... الله يا حبيبى على حبك الله الله

من كتر الحب لقيتنى باحب .. وأدوب فى الحب ... وصبح وليل على بابه

 
"""""""::::::::::





الاثنين، 7 مايو، 2012

حدث فى مثل هذا اليوم :)

حاجة غريبة جدا !! لقيت نفسى من غير سبب واضح عاوز اقرأ كل الحاجات اللى انا كاتبها ..فتحت الاجندة واكتشفت اكتشاف خطير ..زى  النهاردة 7 مايو السنة اللى فاتت كان اول يوم اسجل فيه خواطرى :) ..صحيح هى مناسبة جايز متثلش حاجة لناس كتير ..بس انا فرحان ..انا بقالى سنه بكتب خواطرى يا جدعان ..كنت بكتب حاجات قبل كده بس عمرى ا فكرت احتفظ بيها !! حاجة تزعل بجد ..كان نفسى اعرف انا كان ايه بيشغل دماغى السنين اللى فاتت دى ..اللى بقى ش عاوز افكر فيه ..ان فى سنه بحالها من عمرى فاتت ..

المفروض انى اعمل حاجة مختلفة فى المدونة النهاردة فأنا قررت انى انشر الخاطرة اللى انا كتبتها زى النهاردة من سنه :)
بس لازم أأكد على حاجتين :
اولا ان الخاطرة دى بتعبر عن حالتى ساعتها وملهاش علاقة بيا دلوقتى
ثانيا فى وقت كتابة الخاطرة دى ..مكانش فى اى بنت حقيقية انا بوجه لها كلامى
:)

كتبتها الساعة 4.12 عصرا ..كل حاجة متسجلة بدقة..ولم اكتب لها عنوان
----------------------------

تتراجعين ؟؟!
أنت ضعيفة لهذه الدرجة ؟
لبست رداء القوة !
بصراحة ..اوهمتنى انك الاقوى على الاطلاق
ضعيفة فلا تتحملين حبى لك ؟
حبك لى ؟
اعتقدت ان حبى لك ضعف ..تضحية ..تنازلات
فى مدرستك ادركت انى أخطأت
هل تراجعك معناه انى كنت محق ؟
علمتينى درسا خاطئا ؟!
اعتذر منك
تأخرت رسالتى هذه
اعترف لك
جذبتنى
شدتنى ملامحك
طبيعتك !
وتحت سطوة تعلقى بك
اضطر عقلى
-بلا وعى-
الى انكارك !
لشهور انكر على انى قابلتك
خارت قواه
فجاء ليعترف
امزج المنطق بالعاطفة
العاطفة بالمنطق
اتخلص من كليهما !
لماذا ؟؟
اعرف انك لست ضعيفة
اذن فتراجعك بسبب قوتك !
اتذكرين البداية ؟
ذلك اليوم
لا اذكره للأسف
كله غموض
بحجم الكون !
كيف التقينا ؟
وكيف تريدين انهاءها الآن ؟
ربما ..
ربما..
انا المخطئ
حاولت اصلاحك
تجاهلت رسائلك
كانت هامسة صامتة
تقولى
انا لست مكسورة لتصلحنى !!
تجاهلتها
ساعدتينى على ذلك
همسك شجعنى
كلماتك التى لم تنطقى بها
صمتك ..شجعنى
انا ملاك .. وانت ؟؟
ألن تقتربى ؟
تعتقدين انى قد احاول اصلاحك فأكسرك ؟؟!!
هل يمكن لمن يحب ان يكسر ؟
اعرف ما يدور ببالك
تتساءلين
هل كنا احبة اصلا ؟؟!!
لا ادرى
عدة نقاط على السطر
لماذا اريد ان اراك ؟
لماذا اسمع صدى لضحكاتك ؟
مع انى لم اسمعها اصلا !!
لماذا يشغلنى طيفك ؟
ترسلين هذا الطيف ..صحيح ؟
تعلقينى بالمستحيل
اسحبى طيفك وكفى
سأحيا بدونه
....

----------------------------------
تحديث :واضح انى كنت بهزر ..لأنى مش هعرف اعيش من غيره :)
انا حابب ان العنوان يكون "كتبت اليك قبل ان القاك"
بس كده ..وكل سنه انتو طيبين 


 

الثلاثاء، 1 مايو، 2012

نسيط اكتب عنوان

تنويه :انا مكنتش ناوى اكتب التدوينة دى بس لسبب ما انا عارفه هكتبها وامرى لله..حكم القوى على الضعيف -ايموشن مطلع لسانه ..
اليوم النهاردة كان لذيذ وابن ناس من اوله لآخره والحمد لله

الصبح:
كان عندنا محاضرة راديولوجى ..اشعة يعنى..وكنت فرحان جدا عشان دى اول مرة فى حياتى احس ان الاناتومى ده له اى لزمة فى الحياة ..والواحد كده ما شاء الله يعنى حاسس انه بقى دكتور وممكن يعيش الدور على خلق ربنا شوية --ايموشن مطلع لسانه برده

وبعد كده 
نوووم كتييير اوى اوى ..وصحيت على واحد معرفوش بيخبط وبيقول ان فى حفلة فى المدينة وان فى سحب على جوايز وادانى ورقة كده اكتب فيها اسمى ..انا مكنتش ناوى اروح الا عشان الجزايز الصراحة ..ايموشن بيستهبل

المهم انا بجد مكنتش ناوى اروح ..وبعد العشا لقيت الناس متجمعة فقولت بقى اما اجرب جايز الموضوع يطلع منه فايده ..ايموشن بيضحك

انطباعى دلوقتى ان الحفلة ككل كانت تحفة بمعنى الكلمة ..كانت الفقرات متنظمة بطريقة تلفت النظر فعلا
..
هما بدءوا ب اسكتش عن الثورة ..كوميديا مسخرة--ساخرة قصدى-- عشان كده انا فضلت عشان كان نفسى اضحك

وبعدين استاند-اب كوميدى عن المدينة ..ايه ده ..ضحك السنين على المعاناة اللى بنشوفها فيها ..والصدمة بقى اللى بتيجى لطالب سنه اولى ..وبهدلة فى الناس اللى فى المطعم اللى بيبقو بخلا وهما بيوزعو الاكل علينا ..ايموشن فرحان فيهم

بعد كده اتكلموا عن الحوار والاختلاف فى الرأى ..خلونى ابدأ افكر فى الحاجات بطريقة مختلفة ..

بعدين شوية اسكتشات ضحك عن اتحاد طلاب المدينة ..بيضحكوا على نفسهم يعنى وعرفت ان الاتحادات الطلابية فى المدينة كانت معطلة من زمان جدا وده اول اتحاد يعنى حاجة تاريخية وكده  ..

وبعدين جه واحد محترم كده ..نسيت اسمه للأسف..بس هو دكتور صيدلى وصاحب شركة ادوية كبيرة قعد يتكلم عن الاهداف وازاى نتمسك بيها ..والشباب الخ الخ ..بس الكلام مختلف عن اللى احنا متعودين عليه فى المواقف دى ..فحسيت ان فى امل ..وان فعلا احنا ممكن يطلع مننا حاجة وان لازم كل واحد يحط مصر او الامة كلها كجزء من هدفه ..ايموشن مبتسم ..وبعدين فقرة اسئلة وعلى كده

فى النص كده قاموا عاملين سحب على كيلو تفاح ..ههههههههه..كان نفسى فيه ..أكيد اللى اخده هيحصله حاجة ..

اغرب ما فى الموضوع ان الدنيا مطرت ..واحنا كنا فى الشارع قمت سايب الحفلة وقعدت ادعى كتييييييييير ..لان انا استغلالى والحياة فرص ..وبعدين انا مش ضامن انها تمطر تانى فى الحر ده ..ايموشن مستغرب

وبعدين اتكلموا عن القدس ..انتبهت انى كنت قربت انساها !!

وبعدين عملوا اسكتش ان الدم العربى المسلم ارخص دم !!

والحمد لله مسابوناش كده عملو حاجات تانيه كده تضحك شوية ..وبعدين سحب على موبايل وكالعادة انا مأخدتش حاجة الا ستر ربنا

وبعدين اتكلموا عن الحرم والكعبة ..حسيت انى نفسى اروح هناك بسرعة ..وبعدين افتكرت الحلم ..ان شاء الله مش هكون لوحدى بقى ..ابتسامة عريضة

وبعدين بقى سحب على العمرة ..كان عندى امل ..بس الحمد لله الامل اتحطم لما قالوا ان اللى كسب اسمه بيبدأ بحرف الألف ..ليه يا ربى كده ..انا اصلا مبحبش اسمى ..مش كانوا يسمونى على مثلا !! ..ايموشن واحد فاكر دمه خفيف

بس والحفلة خلصت ..وانا كنت فرحان لأول مرة فى المدينة العجيبة دى وطلعت بأفكار كتيرة جديدة وحاجات المفروض انى افكر فيها تانى بس مش هقول لحد عليها ..

الاثنين، 30 أبريل، 2012

مسرحية ليوم مختلف :)

كل اللى هو متأكد منه انه كان نايم اليوم اللى فات وهو فرحان ..ببساطة هى دى حالته لما بيكلمها .. بعض الجمل حذفت للرقابة
الفصل الاول :
مشهد واحد:
كان هو وهيا فى مكان فى اوروبا وبيلعبوا بنج بونج أو اسكواش بصراحة هومش فاكر بس فاكر كويس انها كانت بتلعب احسن منه وكانت كاسباه وبتغيظوا كمان
مشهد اتنين:
هو مشهد غريب بس حصل ..هو كان لسه فى اوروبا وكان فى احد بيعلن اسلامه على ايده ..الواحد ده كان فرحان اوى وهو بيقول الشهادة والولد كمان كان فرحان اوى ان ربنا هدى حد على ايديه ..
المشهد التالت:
الموبايل بيرن ..صحى من النوم ..ايوه المشهدين اللى فاتو كانو فى الحلم
ألو ..انا دكتور عبد الرحمن ..هو حضرتك جاهز عشان تيجى تتبرع بالدم
ايوه انا جاهز ..دقيقة واحدة هتلاقينى عندك ..هو انت فين البظبط
انا عند جامع الكلية هستناك ..مش انت متأكد ان فصيلتك "بى سالب"
اه ان شاء الله تكون كده دقيقة واحدة وجاى
نزل من على السرير بسرعة على عكس العادة ..اخد دوش فى دقيقة وبعدين سأل نفسه ..هوالتبرع بالدم ده صدقة جارية ؟؟هو عارف ان الدم اللى بنتبرع بيه بيتغير فى جسم المريض بعد اربع شهور ..هى شكلها صدقة بس مش جارية أوى :)
ماشى بسرعة مش عاوز يتأخر على الدكتور اللى مستنيه ..بس فرحان بشكل غريب انه هيتبرع بدمه اخيرا لحد محتاجه ..خايف شوية بس الفرحة اكتر كتير اوى ..انه ممكن ينقذ حد ..
المشهد الرابع
قابل الدكتور وراحو مكان التبرع بالدم ..كان لازم يتأكدو من فصيلته ..هو عارف ان فى واحد قبله راح يتبرع لنفس الحالة بس فصيلته طلعت "ايه موجب" ..عملوله الاختبار طلع "ايه بى موجب" ..يا خبر ده كده مش هيعرف يتبرع بالدم !!..اتصدم طبعا هووالدكتور بس مفيش حل ..سأل الدكتور عن الحالة عرف انها بنت عندها واحد وعشرين يوم بس مولودة بعيب ..ربنا يقومها بالسلامة
المشهد الخامس
رجع الاوضه ..هومعاه ورقة كده مقسومة نصين ..كتب فى نص فيها "أحبك ربى" لانه اعتبر نفسه عمل خير بالنيه :) ..وفى النص التانى كتب حاجة هيا عارفاها ..
ملحوظة :بما ان فصيلة دمه طلعت "ايه بى" معنى كده ان ولاده مستحيل يطلع فصيلتهم شبهه او شبه امهم ..بس ممكن يكونو ايه او بى بس :P 
الفصل التانى :
المشهد الاول :
رايح المستشفى عشان يكشف ..هوعندة شوية كحة خفيفة كده بس قال انه يتطمن ..ومع ان الطريق ميتوهش الا انه والحمد لله تاه شوية ..وبعدين وصل ..الراجل فى الاستقبال كان محترم جدا كان نفسه يقوله "انت ابن ناس على فكرة ومتنفعش تشتغل فى المكان ده" بس مرضاش يقول حاجة ..طبعا قعد شوية يلف على اوراق من هنا ومن هنا وفى الطريق صاحب بعض الرفاق :P
المشهد التانى :
رايح عند الدكتور سمع صوت اغنية هو بيحبها ..امل حياتى..مش فاكر المقطع بالظبط بس هوكان فرحان ..حس انها هناك او انها باعتاله حد يفكر بيها ..كانه كان نسيها يعنى :P
وبعدين خناقة لذيذة بين ممرضة دكتورة وسب وقذف ..فضيحة علنى طبعا ..هوكان متعاطف مع الدكتورة على اساس انها زميلة يعنى حتى لو هى الغلطانه :P
المشهد التالت
مستنى دوره وقاعد بيتكلم مع واحد عن السياحة فى مصر !! اى هبل وخلاص بس كان حوار مثمر جدا مستفدش منه اى حاجة :P
المشهد الرابع :
دخل للدكتور اللى هو حاسس انه مبيفهمش حاجة ..بص يمين وخد نفس ..خد نفس تانى ..وكتب العلاج وعلى كده ..طيب انا عندى ايه يا داكتور ..انت كويس مفيش حاجة ..بس كده ..مرضاش يسأل تانى واكيد الدكتور بيفهم اكتر مننا :P
المشهد الخامس :
راح يحلل دم ..هو حاسس انه ممكن يكون عنده انيميا ..ههههههههه..عشان يكون زيها :P
بس لقى المعمل مقفول وقالولو تعالى بكره والحمد قرر انه ميروحش :D
المشهد السادس :
عطشان جدا ومفيش ميه خالص فى اى حته حواليه ..لقى مكان فيه كولدير جه يشرب لقى الميه تلج ..مشربش والحمد لله ..ركب الاتوبيس مستحملش الحر قام نازم واخدها مشى بعد ما دفع الاجرة ..ربنا يعوض عليه بقى :P
الفصل التالت :
المشهد الاول :
عرف ان العيلة ربنا رزقها بعيل جديد ..لوووولللوولى :) حاجة تفرح ..كان نفسه ينزل ساعتها بس منفعش بقى لانه افتكر ان وراه كتاب لازم يتسلم بكره وهو مكتبش فيه حرف واحد ..
المشهد التانى وحتى نهاية الفصل التالت
فضل من الساعة خمسه لحد الساعة اتناشر بيحل الكتاب ..ملل رهيب بسه هيعمل ايه ..جاب كتاب صاحبه وقعد ينقل منه ..طبعا ده تعاون على البر مش عغش لا سمح الله :) :P
الفصل الرابع :
المشهد الاول :
ده يتلخص فى كلمة جنوووووووووون :D
وطبعا كل واحد عارف هو عمل ايه :P
المشهد اللى بعده
كلمها تانى :) وكان فرحان اوى كدهوو وخلاص :P
المشهد اللى مش فاكر رقمه :
هوقاعد دلوقتى بيكتب التدوينه الرخمة دى ورايح ينام :)
تصبحو على خير :P

تنوية : اى تشابه بين احداث هذه المسرحية والواقع هو محض صدفة والكتاب مش قاصد حاجة خالص (خالص مالص يعنى :P (

الجمعة، 27 أبريل، 2012

نيران فى ظلال القاهرة !!

حذروه
قالوا له
"القاهرة هتبهرك وتاخدك من هدفك ..متنساهوش"
ولم يزيدوه حرفا آخر
تركوه وأفكاره
وهو عنده بعضا من الممنوع مرغوب
فرسم عقلة صورة طاغية
تستقبل الوفود لتغويهم
وتحدثهم أحاديث الحق بالباطل
شوارع واسعة تغرى بالحركة الانفلات عن القانون
لهو وهرج فى كل ركن 
منازل عالية تذوب مع السحاب
وفكر كثيرا فى اضوائها تلك
ملونة ..قوية ..غانية!
أرضا تقدم النجاح لمن يريده
لكن ما وجده اختلف قليلا أو كثيرا عن هذا
فهى لا تتكلم ولا تسمع ولا تتطغى
وشوارعها الواسعة المزدحمة
لا تغرى بحركة أو سكن
وأهلها لا يرحبون بقريب حتى يحتفلوا بمن لم يعرفوه
وأضواءها على شاكلة واحدة
لونها أسود قاتم !
ولم يجد له بين أهلها مكانا علويا ولا سفليا
اللهم إلامتران فى متر نصف يشاركهما مع غيره
على اقصى تقدير!
يقضى فراغه على السرير
بين التعب والتعب
إن لامسته أنامل النوم
أسرعة إليه مرافق اليقظة
فلا يهنأ بأحدهما
فهو يشعر بوحدة قاتله وفراغ عاجز
وهو يحب العزلة
لكنها الآن مفروضة عليه فلم يعد يطيقها
ولم يعرف كم أحب أهله وقريته إلا الآن
وهيعيش فى القاهرة كغزال
نقلوه عن حقول السافانا
إلى مراع لا تسمن ولا تغنى من جوع
يود لو يعود ألف مرة كل يوم إلى أمه..
وكان له فى القاهرة هدف وأمل
أما الهدف فقد ضاع كما ضاع الطريق وضاع هو أيضا
ولم يعد يبحث عنه لأنه اشتغل بالبحث عن نفسه
وأما أمله فكان يلقاه ليلا
ولست أدرى لم كان يحلو اللقاء فى الثلث الأخير من الليل
كأنما يشهدان الله على عهودهما
كأنما أحبا أن يرفعا أكف التضرع إلى الله
وكأنهما يدركان بطريقة ما
أن الله فى عليائة يكون أقرب ما يكن إلى السماء الدنا
وربما لنفس السبب يخجلان كثيرا من لقائهما
وكانا يختلسان اللذة هما حائران فى امرهما
تحدث كل منهما نفسه
وإن سمحا للحيرة بأن تحرك صفوها أحيانا
وكانت لفتاته روحا أرقى كثيرا من البشر
لكنها لم تدرك ذلك
فكان يحب أن ترى نفسها دائما بعينيه
كانا يجلسان هناك
هو يتكأ بجبهته على رسغيه على ركبتيه
وهى على مقربة من يمينه
تضم كفيها
وتدفع كتفيها للداخل كأنما يتقابلان
تنظر للأرض كأنما فى خشوع
هو يتكلم ..ويتكلم..
ثم تنتهى أفكاره فيصمت
وهى إلى جواره ساكنة
تحب صمته كما تحب ثرثرته
فلا تقاطع أيا منهما
ثم تطلب منه أن أكمل
"معنديش حاجة أقولها تانى"
"قول أى حاجة تيجى على بالك حالا"
وليس على باله إلا هى
إذن فلا مفر إلا أن يحدثها عنها
ولا أخفيك سرا
أنه فى الحقيقة يود لو أن يبدأ حديثه بها
ويكمل حديثه عنها
ثم ينتهى بحديثه إليها
يرفع يرأسه وينظر إليها
تشعر به
فيسيل على وجهها لون زهرة الجورى
ثم يختفى تدريجيا وبسرعة
ويصبح وجهها شاحبا
كأنما تتعجله فلا يطيل النظر
فيفهم ..وينظر أمامه
وترفع هى نظرها إليه فى حياء بالغ
ويدير وجهه إليها فجأة
وترى فى عينيه
جمرتان تهدآن شيئا
ثم كأنهما جليد يذوب
فيغسل ماؤه زجاج عينيه
ويكسوهما الماء لمعة مكسرة تنطفىء
ويعد كلا منهما إلى حالته
يشعران أن نظراتهما تغنى عن الكلام
لكنها ينطق يحدثها عنها
أما هى فأغلب الظن أنها تشعر أنه يبالغ
وأن ما يقول أكثر من الحقيقة وزائدها
أما هو فيشعر بأنه لم يوفها حقها
ولم يحدثها عنها بما ينبغى لها
وأن أكثر جهدة يبذله فى الكتمان لا الكلام
وكانت تسمع فى انتباه تام
تجبر من خواطرة المكسور
وتتمم منها ما هو مبتور
تضحك أحيانا
فتبدو أسنانها هلالا
يظهر على استحياء فى وضح النهار
كأنما يخشى الشمس فيتخفى خلف السحب
وتبكى كثيرا ولا تشعره بذلك
كأن دموعها تحمل الحزن الفرح
فتخص نفسها بالحزن
وتمنحه قوس قزح
ثم تهدأ انفاسه وتنتظم
ويعلما أن لم يعد هناك ما يقال
فيلتمس منها الحديث
فيباغتهما الفجر
ويشعران كأنها نصف ليلة فقط
وتتجدد الوعود باللقاء
ويغادران
وفى نفس أحدهما أمل فجر جديد
وفى نفس الآخر بغض للفجر شديد
........

عيل صغير بيعيط جنب الحيط

انا بعيط عشان ارجع عيل صغير
صحيح العياط مش هيرجعنى عيل
بس هو فى حد ذاته حاجة كنت بعملها وانا صغير
 آآه صحيح افتكرت !
أنا مكنتش بعيط
اصلهم بيقولولى انى كانت دماغى ناشفة وانا صغير
ولما كان حد يضربنى اعاند واقوله انا "مش هعيط"
ههههههه وفعلا مكنتش اعيط مهما كانت الضربة
او الحاجة اللى تزعلنى
ومع انى ندمان انى معيطتش
ولا صرخت فى الوقت اللى كان مسموحلى فيه انى اعيط
الا انى لما كبرت شوية بردو مكنتش بعيط
كنت بقول ان مفيش راجل بيعيط
بس دى طلعت كدبه تانية كدبتها وصدقتها
المهم يعنى انا عاوز ارجع زى زمان بالظبط
ايامها لما كان حد كبير يقولى انت "ساذج"
كنت افرح قوى وفاكرها شطاره منى
اكيد كان كل العيال ساعتها ساذجين زيى
بس انا كنت بنافسهم عشان اكون اكتر واحد ساذج فيهم
هبل بعيد عنكم يعنى
بس لما كبرت شوية استحليت الموضوع الصراحة
وفضلت عيل وساذج فى عيونهم اطول وقت ممكن
بس جوايا كنت بكبر بهدوء ومش عاوز ابين لهم حاجة
عشان احافظ على صورة الساذج دى اللى فهمتها بعدين
بس لما كانو فاكرينى ساذج مكانوش بيخافو منى
عشان كده كانو بيتكلمو وانا موجوود عادى
وكنت بسمع كلام مش المفروض اسمعه
ولو سمعته المفروض ان عقل مكانش يفهمه
بس انا كنت بسمع بمزاجهم
وبفهم وهما مش واخدين بالهم
انا عاوز ارجع ساذج تانى
ساذج بجد بقى
ساذج مش عارف انه ساذج
ساذج مبيمثلش عليهم
هو ليه الواحد خايف يزنل يجرى فى الشارع
الناس مثلا هتقول عليه اهبل ؟؟
اتحدى ان كل الناس دى نفسها تجرى معاه !
بس ليه محدش عاوز يعترف انه خلاص تعب "وجاب آخره"
وليه مينفعش اروح العب فى ملاهى اطفال تحت ست سنين ؟
ولا اعمل طيارة ورق فوق السطح
ولا اركب عجلة ستاشر
واسيب ايد واحدة كأنى عامل معجزة
أو اسيب ايدين اقع على وشى
فين ايام لما كانو بينيمونى بدرى غصب عنى
ولا يبعتونى مشوار يقولولى هنطفى التليفزين لحد ما ترجع !
ولا ..لا ..لا..
اللى يعرفونى يعرفو انى عمرى ما فكرت ارجع  طفل تانى
بس دى كمان ممكن تكون كدبه أنا صدقتها !!

وعلى رأى "أحمد عبيد" ::
انتو مش شايفين حقيقتى"
مش ملامحى
ومش ده سنى
اللى باين منى ليكم
وش لابسه أنا غصب عنى
شاب لسه فى عشريناته
شكله عدى الاربعين
بس شايل
بين ضلوعه
قلب طفل عشر سنين"